Baserriko ahotsak_2016

[Ikus-entzunezkoa (17' 34'')]

​

Baserriaren oroimenean murgilduta, landa eremuko bizimodu "tradizionalaren" parte izan ziren zazpi ahots dira jasotzen direnak, memoria indibidualaren eta kolektiboaren arteko katebegiak. Euskal baserrien ekoizpen sistemarako ezinbestekoak ziren espazioetan barneratzen den erregistroa da, eta, memoriaren eraiketaren baitako oihartzunak azaleratu ahala, honekin eztabaidatzen dute ahotsek.

​

Testuinguru bera bizi zuten zazpi anai-arreba, lekuari lotutako zazpi ahots, zazpi testigantza, zazpi bizi-esperientzia; ahaztutako lekuei loturiko gertakizun eta egunerokotasuna bizi eta ikusi zituztenak, nola zenari buruz esaten dutenak, izan zenari buruzko zazpi transmisio. Kamerak baserrian murgilten gaitu, eta orainalditik berreraikitzen da iragana. Etxe sinbolikoaren konnotazio kulturalen eta helarazpenaren inguruko narratiba garaikidea proposatzen da, oroimenaren harreman eta dimentsio ezberdinen arteko tentsioetan, eta baita kohesioetan zehar ere.

​